Á miðdegi í gjár varð ringt til løgregluna at boða frá, at nógvur roykur kom úr einum bili, sum kom koyrandi eftir landsvegnum við Hósvík.

Løgreglan sigur, at tá ið bilførarin varnaðist roykin, setti hann bilin og fór úr honum.

Løgreglan sigur, at sløkkiliðið varð boðsent og løgreglan fór eisini á staðið. Men tað vísti seg, at eldur var ikki í. Hinvegin hevði eigarin skift olju á bilinum, men hevði stoytt ov nógva olju aftur á motorin og tí var hann farn at rúka.