Í gjár var løgreglan aftur á ferð og kannaði ferðsluna. Urslitið var, at fýra bilførarar fingu klipp í kyrikortið.

Ein fekk klipp og bót fyri at brúka fartelefon. Annars fingu tríggir bilførarar klipp í koyrikortið fyri at koyra upp ímóti 110 kilometrar um tíman, har tað var loyvt at koyra 80.

Men so varð ein bilførari eisini tikin fyri at koyra 116 kilometrar har tað er loyvt at koyra 80. Men hann hevði havt koyrikortið styttri enn trý ár, so hann fekk beinleiðis koyriforboð.

Tann fyrsta tíðin, ein hevur koyrikort, er eitt slag av royndartíð og tá skal minni til fyri at missa tað aftur.