Løgreglan hevur nú skuldsett fyri fólk fyri innbrotið í Á handlinum á Landavegnum fyrr í vikuni. Tey eru øll leyslatin aftur, men kanningarnar halda fram. Løgreglan sigur eisini, at talan er um fólk tey kenna væl.

Løgreglan sigur, at eingin av teimum játtar seg ikki sekan og kanningararbeiðið heldur fram.

Tey brutu ein rút og sluppu inn tann vegin. Inni í handlinum brutu tey eitt pengaskáp upp og fóru avstað við pengunum. Løgreglan hevur ikki viljað sagt, hvussu nógv talan er um, uttan tað, at talan var um eina munandi uppghædd.

Í morgun sigur løgreglan, at tey hava fingið upplýst, at tað vóru einar 160.000 krónur í pengaskápinum og tað er alt stolið. Pengarnir eru ikki komnir aftur í aftur.

Løgreglan sigur, at tey hava funnið ymisk teknisk spor í Handlinum og í sambandi við kanningararbeiðið, og húsarannsóknir, hava tey eisini funnið teknisk spor á einum bústaðið í Havn.

Løgreglan fer nú at seta alt í ein samanhang, eitt nú fyri at fáa greiði á, um tey teknsku sporini samsvara við tað, skuldsettu fólkini hava greitt frá.