Í kvøld verður bólkur L avgreiddur í HM-endaspælinum. Dystirnir verða bríkslaðir í gongd klokkan 23.00.

Hetta er tað tey fýra liðini í bólkinum stríðast fyri:

Ongland er tryggjað víðari luttøku. Vegna betri málmun liggja teir ovast í bólkinum, hóast teir hava fýra stig eins og Ghana á øðrum plássi. Vilja onglendingar varðveita fyrsta plássið, mugu teir tí ikki verða yvirhálaðir av afrikanarunum í málmuni.

Ghana er eisini tryggjað víðari luttøku. Vilja teir hava eitt pláss í topp-2, skulu teir annaðhvørt vinna ella spæla javnt móti Kroatia í kvøld. Tapir Ghana, enda teir á triðja plássi, men fara víðari við sínum fýra stigum.

Kroatia skal fáa stig móti Ghana, um teir vilja víðari í HM. Missir Ongland stig, og kroatar samstundis vinna, enda teir sum nummar eitt í bólkinum. Ein javnleikur í kvøld sendir teir víðari á triðja plássi.

Panama hevur ikki fingið eitt einasta stig í sínum fyrstu tveimum dystum og kann ikki fara víðari.