Mentanarnátt var í Havn í nátt og tað var rættiliga nógv fólk í býnum. Løgreglan sigur, at tey høvdu nógv av gera í alla nátt, heilt til klokkan var farin av klokkan seks í morgun.

Tað mesta tey høvdu at gera var at hjálpa fólki, sum vóru so deyðadrukkin, at tey ikki vunnu upp hús aftur, so tey vórðu koyrd til dyrnar.

Teir mans fingu bót fyri at bróta skilhaldsreglurnar, báðir í miðbýnum í Havn. Annar var ónøgdur við at hann ikki fekk ein hýruvogn. Hann varð vegleiddur um at fara niðan í Steinatún, har hýruvognarnir eru, men hann fór heldur heilt út á hyruvognstøðina á farstøðina at skeldast við tey, sum arbeiddu har.

Hann var so ólátaður, at tey ringdu eftir løgregluni, so tað kostaði honum 1.500 krónur í bót.

Hin fekk 3.000 krónur í bót fyri at fara at berjast við ein annan - sum kortini ikki bardust aftur ímóti, men bara gav seg undan.

Og tíðliga í morgun mátti løgreglan eisini í Steinatún at mekla ímillum tvey í einum parlagi, sum fóru at skeldast, men tað javnaði seg aftur.