SEV er farið undir eina royndarverkætlan saman við Minesto, har sjóstreymur verður brúktur til elframleiðslu við sokallaðu Dragon-tøknini.

Ein 100 kW royndareind, Dragon 4, er nú knýtt í elnetið og framleiðir streym. Hetta er fyrsta stig í verkætlanini, sum skal kanna møguleikar fyri sjóstreym sum grøn orku í Føroyum.

Ein størri eind, Dragon 12, sum er 1,2 MW, hevur eisini verið í sjónum í umleið 10 mánaðir, og er nú tikin upp til eftirlits og viðlíkahalds.

SEV sær verkætlanina sum ein part av arbeiðinum at minka um oljunýtslu og økja um burðardygga elframleiðslu við vatni, vindi og nýggjum orkuloysnum sum sjóstreymi.

Verkætlanin er framvegis í royndarstigi, men royndirnar skulu brúkast til framtíðar útbygging av grønari orku í Føroyum.

Sí nærri