Sambært New York Post og fremsta fótbóltsfrásøgufólkinum hjá BBC, Simon Stone, skuldi Gianni Infantino havt eina telefonsamrøðu við amerikanska uttanríkisráðharran, Marco Rubio, fyri at fáa stuðul mitt í teimun hørðu atfinningunum hann er undir.

Hetta vísir Hvíta Húsið tó aftur. Hjálpar-statsskrivarin fyri altjóða almenn viðurskifti, Dylan Johnson, skrivar á X:

– Tað eru ongar ætlanir um, at Marco Rubio skal tosa við Infantino, og eingin telefonsamrøða er á skránni. New York Post eigur at kanna sínar keldur betur, ella teir kundu bara spurt okkum.

Sambært New York Post royndi Infantino at fáa fatur á Donald Trump, við persónliga at ringja til hansara.

Tá tað ikki eydnaðist, skuldi ætlanin í staðin vera ein telefonsamrøða við uttanríkisráðharran, men tað er nú avvíst av Hvítu Húsinum.