KÍ skrivar soleiðis:

Hann hevur verið óvanliga støðugur í 9  ár og í 6 av teimum spælt hvønn einasta dyst  í meistaradeildini.

Jóannes Kalsø Danielsen hevur undantikið eitt stutt skifti í Næstved BK í 2022, verið í felagnum alla sína fótbóltsleið. Síðan hann kom frá 1. deild sum áleypari í 2014 hevur hann spælt 235 dystir í meistaradeildini, 29 steypadystir og 72 lands- og UEFA-dystir – allar sum høgri vongbakkur.
Um avtaluna og komandi tvey árini sigur Jóannes:

 -  Eg síggi fram til tvey spennandi ár við Fróða Benjaminsen á odda. Valið var lætt, tá man er klaksvíkingur. Vit hava fantastiskar umstøður at venja og mennast í, og tá er lætt at trívast. 
Vit í felagnum stórfegnast um, at Jóannes heldur fram í KÍ. Vit ynskja honum framhaldandi góða eydnu í kongabláu troyggjuni! 

kelda FSF-Comet