Seinnapartin leygardagin fekk løgreglan boð um, at ein bátur hevði siglt á vaktar- og bjargingarskipið, Brimil.

Hetta hendi á bátastevnuni í Vestmanna - úti á fjørðinum - og stoyturin var so mikið harður, at fólk í bátinum mátti á Landssjúkrahúsið, men talan var kortini ikki um álvarsligar snuddir. fólk, sum sóu tilburðin siga, at onkur fór eisini á sjógv, men tað hendi ikki meiri enn tað.

Men løgreglan vil einki siga um málið, uttan at tey vilja vátta, at ein bátur hevur siglt á ein annan.

Løgreglan sigur í morgun, at tey kanna framvegis málið og í hesum sambandi skulu fleiri fólk avhoyrast.