Nestlé fer at broyta uppskriftina á sjokulátubarini KitKat í meginpartinum av Evropa frá september 2027. Tað skrivar Bloomberg eftir eitt tiltak hjá svissiska matvørufelagnum.

Sambært Nestlé verður nýggja útgávan av KitKat meira knasandi og fær eitt ánilsi av hasselnøtusmakki, meðan kakaoinnihaldið verður óbroytt.

Felagið undirstrikar, at broytingin ikki er ein roynd at spara kakao, men skal geva eina meira samansetta smagsuppliving.

Nýggja uppskriftin er ment fyri at raka bæði brúkarar, sum dáma væl klassiska mjólkasjokulátu, og teir, sum dáma ein eitt sindur meira intensivan sjokulátusmak.

Stórabretland verður tó undantikið. Har metir Nestlé, at verandi uppskrift longu hóskar best til bretsku smags-prefirensurnar, sum sambært felagnum hallast móti einum meira karamelliseraðum profili.

Broytingin kemur í einum tíðarskeiði, har sjokulátuídnaðurin framhaldandi er ávirkaður av høgum kakao-prísum.

Nestlé vísir tó aftur, at nýggja uppskriftin hevur samband við hækkandi kakaoútreiðslur, og heldur fast við, at endamálið er at betra um smakkin og konsistensin á vøruni, umframt at draga nýggjar kundar til sín.

---