Ongi úrslit

Kolbeinagjógv: Nýtt minnisøki heiðrar fyrsta niðursetumannin

Kolbeinagjógv hevur fingið ein nýggjan miðstað, har minnissteinar og benkur skapa eitt hugnaligt savningarstað og minna á søguna hjá bygdini.

© Sjóvar kommuna.
Kolbeinagjógv hevur fingið ein nýggjan miðstað, har minnissteinar og benkur skapa eitt hugnaligt savningarstað og minna á søguna hjá bygdini.
Edmund Jacobsen
5 tímar síðan

Nýggja minnisøkið í Kolbeinagjógv er nú nærum liðugt. Minnissteinarnir eru settir á pláss, og økið er fríðkað við tveimum benkum.

Tað boðar Sjóvar kommuna frá.

Minnisvarðin er reistur til minnis um Rasmus Jacobsen av Strondum, sum var fyrsti niðursetumaður í Kolbeinagjógv. Hann setti búgv í bygdini í 1933.

Rasmus gjørdist einkjumaður tvær ferðir. Báðar konur hansara doyðu frá nýføddum børnum.

Í 1934 fluttu foreldur hansara, Hanus og Elin, til Kolbeinagjáar. Tey gjørdust honum og børnunum ein stór hjálp.

Einasti vegurin í bygdini, Rasmusargøta, er uppkallaður eftir honum.

Í mars varð ætlanin um at flyta minnissteinarnar og gera ein miðstað í bygdini umrødd á einum ástaðarfundi.

Jeffrei Berg hevur høgt og málað bókstavirnar á steinunum av nýggjum, meðan Hallur Fláaberg hevur smíðað tveir benkur og fríðkað um økið.

Sjóvar kommuna fegnast um nýggja miðstaðin, sum nú prýðir bygdina.

Mest lisið hesa vikuna

Nøkur orð um skyldmannin Allan Enghamar

15. november kl. 04:55

Løgreglan lukkaði eitt skeinkistað í Havn í nátt og koyrdu øll á dyr

15. november kl. 09:12

Ein viti er slóknaður: Minningarorð um Óla Eyðun Eliassen

16. november kl. 07:00

Soleiðis fáa tey nógv betri kjøt úr hjallinum

15. november kl. 13:23

Ein nuanserað viðmerking til eina nuanseraða samrøðu

14. november kl. 14:27

Fjúrtan heilsuhjálparar afturat klaktir á Heilsuskúlanum í Suðuroy

12. november kl. 16:10