Í næsta mánað fer Heilsustrygd at søkja eftir einum kommunulækna afturat til Vágar.

Tað sigur Eyðdis Hartmann Niclasen, landsstýriskvinna í heilsumálum.

Jóhannis Joensen, løgtingsmaður fyri Javnaðarflokkin, hevur spurt hana, nær tað er væntandi, at nýggjur kommunulækni verður settur og um arbeitt verður fyri, at verður ein kvinnuligur lækni.

Hann vísir á, at í dag eru tveir mannligir kommunulæknar í Vágum, men fleiri hava saknað, at tað eisini skal bera til at fáa ein kvinnuligan lækna.

Landsstýriskvinnan sigur, at í næsta mánað er ætlanin at søkja eftir einum kommunulækna afturat til Vágar

Men tey kunnu ikki tryggja vágafólki, at tey fáa ein kvinnuligan lækna.

Tá ið Heilsutrygd fer at lýsa eftir kommunulækna fara tey - í samsvar við setanarpolitikk landsins - at seta tann umsøkjaran sum er best skikkaður til starvið, og í tí sambandi kann munur ikki verða gjørdur á kyni, sigur landsstýriskvinnan.