Beint eftir midnátt varð ringt til løgregluna at melda harðskap á einum skeinkistaði í Havn.

Løgreglan sigur, at talan er um grovan harðskap, tí talan er um ein mann, sum er sligin við einum brotnum glasi og hevur skorið seg í andlitið, á armarnar og í bringuna.

Løgreglan sigur, at tað var ein kvinna í yngri árum sum framdi harðskapin. Tey vita hvør hon er og tey hava eisini tosað við hana í telefon. Men hon var ikki serliga samstarvshugað og vildi ikki siga, hvat hon var.

Løgreglan sigur, at sostatt verður nú leitað eftir henni, men tey siga eisini, at kvinnan veit, at løgreglan vil hava fatur á henni, so tey mæla henni bara til at koma á løgreglustøðina sjálv.