Løgmansskrivstovan skrivar á Facebook at løgmaður í dag hevur verið á fundi við danska forsætisráðharranum, Mette Frederiksen, og danska løgmálaráðharranum, Nicolai Wammen, í Keypmannahavn.
Hetta eru fyrstu almennu fundirnir millum partarnar eftir stjórnarskiftini í Føroyum og Danmark.
Løgmaður, Beinir Johannesen, sigur millum annað:
-Eg nýtti høvið at ynskja Mette Frederiksen tillukku við nýggju stjórnini og greiddi frá teimum yvirskipaðu málunum í føroyska samgonguskjalinum. Vit umrøddu eisini spurningar um møguleikar fyri sjálvstøðugum limaskapi í Norðurlandaráðnum og IOC, umframt framtíðar samstarv við ES og aðrar altjóða felagsskapir.
Rúsevni og misnýtsla eru ikki bert ein spurningur um revsing og lógaravgerð, men eisini um fyribyrging, sosial viðurskifti og upplýsing. Hetta eru øki, har vit hava felags ábyrgd, og eg legði tí dent á fyri danska løgmálaráðharranum, at tað er umráðandi, at báðir partar raðfesta hetta samstarvið høgt.
