Í gjár hevði løgreglan eina ferðslukanning av teimum heldur óvanligu.

Í gjárkvøldið vóru tey norðan fyri, nevniliga í Leirvík og á leiðini við Árnafjørð, við einum hundi sum er servandur í at finna rúsevni.

Endmálið var at kanna um bilførarar, ella ferðafólk í bilunum, høvdu rúsevni uppi á sær, ella um rúsevni vóru í bilinum yvirhøvur.

Hetta var ímillum klokkan 20 og gott 22 í gjárkvøldið og tilsamans vórðu 130 bilar kannaðir. Men løgreglan sigur, at har var alt sum tað skuldi og eingi rúsevni vórðu funnin.