Hetta vikuskiftið hevur løgreglan verið eftir einum manni, sum var meiri enn sjáldsama ólátaður í Havn. Hann gjørdi um seg og leikaði í. Hann noktaði at fara av skeinkistøðum og matsovum tá ið hann var burturvístur fyri ólátaða framferð, eitt nú trokaði hann seg inn í køkina á matstovum.

Men lítið hjálpti so triðju ferð løgreglan varð boðsend eftir honum, varð hann handtikin og settur í varðhaldi.

Hann slapp út aftur fyrrapartin gjár tá ið hann hevði sovið rúsin av sær - og tað var eisini við eini bót upp á 1.500 krónur fyri at bróta skilhaldsreglurnar.

Men hann var lítið meiri enn útsloppin, so varð løgreglan aftur boðsend eftir sama manni. So varð hann handtikin eina ferð afturat og settur í varðhaldi. Síðani er hann leyslatin aftur, men aftur hesa ferð fekk hann 1.500 krónur í bót fyri at bróta skilhaldseglurnar.