Føroyski stuttfilmurin Mammuskepilsið hevur aftur fingið altjóða viðurkenning. Hesaferð á Nuuk International Film Festival, har filmurin varð kosin besti stuttfilmur.

Tað er Maria Tórgarð, sum hevur gjørt Mammuskepilsið, ið frammanundan hevur vunnið bæði Geytan og Áskoðaravirðislønina. Filmurin hevur eisini verið sýndur á fleiri altjóða filmsfestivalum.

Maria Tórgarð er í løtuni í Malmö, har hon luttekur á Nordisk Panorama. Har skal hon leggja nýggju filmsverkætlan sína, Knútar, fram fyri altjóða filmsfólkum.

Boðini um sigurin í Nuuk fekk Maria, meðan hon var í Malmö.

Við sigrinum í Nuuk hevur Mammuskepilsið sostatt fingið enn eina altjóða viðurkenning.