Ein 14 ára gamal tannáringur lat seinnapartin lív í einari ferðsluvanlukku í Klaksvík. Vanlukkan hendi, tá ið ein motorsúkkla fór út av vegnum við tyrlupallin.

Løgreglan fekk fráboðan um vanlukkuna klokkan 16.22. Tey avvarandi hava fingið boð.

Løgreglan hevur enn ikki upplýst, um fleiri fólk vóru við í vanlukkuni, ella um tann 14 ára gamli sjálvur koyrdi motorsúkkluna.

Enn er tí ógreitt, hvussu vanlukkan hendi. Løgreglan kannar málið.

Vaktleiðarin á politistøðini í Havn hevur upplýst, at løgreglan enn hevur fáar upplýsingar um vanlukkuna. 

Málið verður framvegis kannað og lýst nærri.