Kendi havnamaðurin M.C. Restorff vann ársnins tónleikaheiður á FMA í kvøld.

M.C. Restorff er sangari og sangskrivari burturav. Men er eisini kendur innan tænastuvinnuna. Í ein mansaldur var M.C. stjóri á Hotel Hafnia.

Men tað er innan tónleikin at M.C. er best kendur, og løg sum "Heldur akker títt", "Føroyingar" og "Kvøða til pinkubarnið" eru bara nøkur fá av løgunum, ið M.C. Restorff eigur, sum flest allir føroyingar munnu kenna aftur. 

Síðan kenda LP-plátan "Meistarans Hond" kom út í 1971, hevur fólkakæri sangarin sungið seg í hjørtuni á føroyingum. Seinasta útgávan hjá M.C. var "Sanganna Veingir", ið kom út í 2012.