Italska forsætisráðfrúan Giorgia Meloni er komin í eitt opið politiskt stríð við Donald Trump. Ósemjan hóttir nú leiklut hennara sum brúgv millum Evropa og USA. Tað skrivar BBC,
Stríðið tók dik á seg eftir G7-toppfundin í Fraklandi. Trump segði við italsku sjónvarpsstøðina La7, at Meloni hevði “bønað” hann um eina mynd. Meloni svaraði skarpt aftur og segði frágreiðingina vera “fullkomiliga uppspunna”.
Meloni: Italia bønar ongantíð
Í einum videobroti segði Meloni, at hvørki hon ella Italia nakrantíð bønar. Stutt eftir avlýsti italski uttanríkisráðharrin, Antonio Tajani, eina ætlaða ferð til Washington.
Stríðið kemur eftir fleiri mánaðir við vaksandi spenningi. Trump hevur áður funnist at Meloni, eftir at hon kallaði álop hansara á Leo páva XIV fyri “óhóskandi”.
Herstøðir skaptu nýggja ósemju
Ósemjan harðnaði aftur, tá Mark Rutte, aðalskrivari í Nato, segði, at umleið 500 amerikansk flogfør høvdu brúkt herstøðir í Italia í sambandi við átøk móti Iran.
Italska verjumálaráðið kallaði frágreiðingina villleiðandi og segði, at Italia bert hevði loyvt tekniskum og logistiskum flogferðum.
Næsta stóra royndin kemur á Nato-toppfundinum í Ankara, har Trump og Meloni aftur skulu vera í sama rúmi.
