Støðan hjá norsku krúnprinsessuni, Mette-Marit, verður nú lýst sum álvarslig og lívshóttandi. Samstundis hevur sonur hennara, Marius Borg Høiby, biðið um at verða loystur úr varðhaldi, fyri at kunna vera saman við mammuni.

Norska kongshúsið hevur váttað, at tann 52 ára gamla krúnprinsessan er sett á bíðilista til eina bráðneyðuga lungetransplantatiòn.

Hetta kemur eftir eina munandi versning av lungnafibrosuni, sum hon fekk staðfest í 2018. Sambært læknum á Rikshospitalet er sjúkan nú komin á eitt stig, har ígræðing er einasti veruligi møguleikin fyri viðgerð.

Tíðindini um heilsustøðuna hjá krúnprinsessuni hava eisini ávirkað revsimálið móti Marius Borg Høiby.

Høiby, sum situr í varðhaldi í Oslo, hevur gjøgnum verja sín biðið um at verða loystur úr varðhaldi. Sambært verjanum ynskir hann at vera hjá mammuni, meðan hon bíðar eftir møguligu skurðviðgerðini. Ákæruvaldið hevur enn ikki tikið støðu til umbønina.

Sambært lungasérfrøðingum er støðan álvarsom, men krúnprinsessan er framvegis nóg sterk til at klára ta stóru skurðviðgerðina.

Lungnaígræðingin kann í prinsippinum fara fram við stuttari freist, um hóskandi lungu gerast tøk gjøgnum Scandiatransplant. Samstundis verður undirstrikað, at eingin serlig kongalig fyrimunur er í skipanini; tøk organir verða býtt út eftir læknaligum tørvi.

Støðan hevur ført til stórar broytingar hjá kongafamiljuni. Krúnprinsessan er sjúkrameldað og hevur avlýst allar almennar skyldur. Krúnprinsaparið hevur útsett silvurbryllupið, sum skuldi haldast í august 2026. Haakon avlýsir uttanlandsferðir fyri at vera hjá konu síni, og Ingrid Alexandra fer heim úr Avstralia, meðan Sverre Magnus eisini broytir sínar ætlanir.

Norska kongshúsið boðar frá, at nærri kunning um heilsustøðuna hjá krúnprinsessuni verður givin, tá ið hon er skurðviðgjørd.