Norðanfyri Kollfjarðatunnilin misti ein bilførari í gjár koyrikortið á staðnum. Hann var máldur at koyra heilar 149 kilometrar um tíman.

Á vegastrekkinum millum Kaldbaksbotn og Kaldbak varð ein annar bilførari steðgaður eftir at hava koyrt 109 km/t. Hetta fekk hann eitt klipp í kortið fyri, umframt eina bót.

Á Skálafjarðarvegnum var eisini ein bilførari steðgaður fyri at koyra 114 km/t í óbygdum øki. Tað hevði við sær eina treytaða frádøming av koyrikortinum.