Tað hevur verið illveður í Norðuratlantshavi seinastu dagarnar, og tað hevur ávirkað siglingina hjá Norrønu nógv.

Norrøna fór úr Hirtshals eftir døgurða í gjár, men hon fór ikki so langt, tí hon legði seg undir Noreg at kroka. Har hevur hin ligið líka síðani, men nú er kósin so sett ímóti Føroyum.

Men tað merkir, at hon verður hálvtannað samdøgur seinkað, tí av røttum skuldu hon verið í Havnini í morgin ári, men nú verður hon ikki í Havnini fyrr enn út ímóti midnátt mikukvøldið.

Men tað merkir so aftur, at túrurin til Íslands verður eisini nógv seinkaður, men eftir ferðaætlanini skuldi hon verið liggjandi á Seyðisfjørði til hóskvøldið, so tá kemur rættlag aftur á siglingina.