Stjórnarleiðararnir úr Danmark, Grønlandi og USA eru savnaðir til undirskrivingarhátíðarhald í New York. Avtalan skal styrkja felags førleikan at ræða møguligar mótstøðumenn frá at leypa á, skrivar Ritzau.

Og nú ljóða tað øðrvísi tónar, enn tað hava gjørt síðstu árini. Tá hevur tað aftur og aftur verið endurtikið frá Donald Trump, at tað var alneyðugt, at USA fekk ræðið á Grønlandi, og at Grønland skuldi vera partur av USA.

Í sambandi við at nýggja avtalan varð undirskrivað, segði Mette Frederiksen soleiðis:

-Vit eru errin av at kalla USA fyri vin. Fyri 75 árum síðani gjørdu vit eina avtalu. Í dag skriva vit undir eina enn betri avtalu, sum kann vara um ævir, segði hon.

Frammanundan hevði Donald Trump í røðu síni í ST boðað frá, at USA fer at økja munandi um hernaðarligu nærveruna í Grønlandi.

Sambært amerikanska forsetanum skulu tvær nýggjar, sera stórar herstøðir byggjast. Einki varð sagt um, hvat tær skulu byggjast. Fyrr í dag hava bæði amerikanskir og danskir miðlar sagt, at onnur verður í Narsarsuaq í Suðurgrønlandi. Har hevur USA áður havt eina støð, og har er flogvøllur framvegis. Hin verður í Eysturgrønlandi í tí, sum eitur Mestersvig. Tað er har, sum danska Sirus patruljan nú heldur til.

Frammanundan hava amerikanarar bert eina virkna herstøð í Grønlandi, sum er Pituffik Space Base (fyrr kallað Thule Air Base) í Norðurgrønlandi.