Í august vóru 30.211 starvsfólk í Føroyum, og tað eru 858 fólk fleiri enn fyri einum ári síðani.

Talan er sostatt um ein vøkstur upp á 2,9 prosent, sigur Hagstovan 

Sostatt veksur talið á starvsfólkum framvegis, men seinastu árini er vøksturin avhæsaður.

Í august vóru slakir 15.400 menn og 14.900 kvinnur í starvsfólkaskaranum. Hetta eru 520, ella 3,5 prosent, fleiri menn og 340, ella 2,3 prosent, fleiri kvinnur enn sama mánað árið fyri.

Í nøkrum vinnugreinum er talið minkað, tá samanborið er við august í fjør. Í bólkinum sum eitur »Landbúnaður, skógrøkt og fiskiveið« er talið minkað 70 starvsfólkum, hetta kemur serliga av einari minking í uppsjóvarveiðu og aling, sigur Hagstovan.