Ida Lykke Kannuberg verður virkandi sóknarprestur í Eiðis prestagjaldi í august, september og oktober. Hon tekur við, meðan sóknarpresturin Jonhard Jógvansson er í lestrarfarloyvi. Tað samtyktu kirkjuráðini í prestagjaldinum á felags fundi 4. juni.

Tríggir mánaðir í embætinum

Skipanin í fólkakirkjuni gevur møguleika fyri, at tveir sóknarprestar um árið kunnu fara í lestrarfarloyvi. Tað er í hesum sambandi, at Ida Lykke Kannuberg nú verður sett sum virkandi prestur í Eiðis prestagjaldi.

Ida er ættað úr Vinde Helsinge á Vestursælandi og tók prógv í gudfrøði á Universitetinum í Keypmannahavn í 2021. Hon hevur millum annað starvast sum prestur í Diakonissestiftelsen í Frederiksberg.

Verður innsett í august

Í løtuni býr Ida saman við manni sínum, Tummasi, og dóttur teirra í Leirvík. Ætlandi verður hon innsett undir gudstænastuni í Eiðis kirkju 2. august klokkan 11.00.