Dagurin í gjár og náttin í nátt hava verið serstakliga friðarlig. Tað sigur løgreglan í morgun. 

Startskotið til ólavsøkuna varð latið av í gjár tá ið stóra Pride-tiltakið var í Havn. Løgreglan sigur, at har var rættiliga nógv fólk, men tað var fyrimyndarliga væl fyriskipað, so har vóru eingir trupulleikar yvirhøvur.

Í náttarlívinum er startskotið ikki latið av enn tí løgreglan sigur, at tað var ikki nógv fólk í býnum í nátt, og tey, sum vóru í býnum, elvdu ikki til nakrar trupulleikar.