Í sambandi við ein nýliga hildnan rundan føðingardag/familjufest, komu undirritaðu Filucca og Kristian. at kjakast um danska ríkisfelagsskapin millum Grønland, Føroyar og Danmark.

Íblásturin kom frá nøkrum tjakfundum, sum nýliga hava verið hildin í Norðatlantiska Húsinum, á Kulturøen á Odense Havn.

Á pallborðsfundinum luttóku millum onnur, nú fyrrverandi fólkatingslimurin, Aaja Chemnitz og nývaldi fólkatingslimurin Carsten Hønge.

Í sambandi við pallborðskjakið gjørdust vit varug við, eitt fyri okkum sjálvsagda hugskot, sum ongantíð hevur verið frammi í einum breiðari kjaki. Eitt kjak, sum í hesum tíðum við einum sterkum uttanífrá komandi trýsti á Ríkisfelagsskapin, í síni fullu avleiðing kann vera við til munandi at styrkja felagsskapskensluna hjá núverandi ættarliðið av skúlanæmingum í fólkaskúlunum, í Ríkisfelagsskapinum.

Hugskotið er rættiliga einfalt: Tær gjøgnum nógv áratíggju skipaðu leguskúlarnir í dagsins danska fólkaskúla, verða víðkaðir til eisini at fevna um allar teir elstu flokkanarr í skúlunum í bæði Grønlandi, Føroyum og Danmark.

Vit halda, at tað vælvirkandi leguskúlaprinsippið í teimum elstu flokkunum í danska fólkaskúlanum, við stórum ágóða eigur at verða víðkað til at virka innan skúlarnar í Ríkisfelagsskapinum í bæði Danmark, Grønlandi og Føroyum.

Vit eru ikki eitt einasta sekund í iva um, at eitt slíkt hugskot í síni fullu avleiðing  fer at vera ein sterk medvirkandi orsøk til at styrkja felagsskapskensluna hjá teimum ungu, sum vaksa upp innan Ríkisfelagsskapin. Tað fer at merkja, at næmingar úr skúlunum í dag, minst eina ferð í sínum skúlagangi fara at fáa møguleika at koma á leguskúla  í einum av teimum trimum londunum í Ríkisfelagsskapinum.

Bestu heilsarnir

Filucca Andreasen, 14 ár, fólkaskúlanæmingur og nýliga konfirmerað, Vesterbrogade, Keypmannahavn V.

Kristian Isager, 79 ár, arkitektur, Kronprinsensgade, Odense C.