Løgtingskvinnan Fía Selma Nielsen hevur sett Jacob Vestergaard, landsstýrismanni í vinnumálum, tveir skrivligar spurningar um føroyska matframleiðslu.
Hon spyr, um landsstýrið ætlar, at Føroyar skulu gerast sjálvbjargnar í matvøruframleiðslu, og um landsstýrismaðurin hevur eina ætlan um at styrkja føroysku matframleiðsluna.
Ótryggur heimur setur matframleiðslu á breddan
Fía Selma Nielsen vísir á, at nógv hevur verið frammi um stuttfluttan mat seinastu árini. Vaksandi tilvitið um burðardygd hevur eisini stimbrað undir smáar privatar framleiðslur av grønmeti.
Hon vísir samstundis á, at ein alt ótryggari heimur ger tað neyðugt at hugsa um, hvussu Føroyar kunnu gerast meira sjálvbjargnar við mati og matframleiðslu.
Samgongan vil styrkja føroyska matframleiðslu
Í samgonguskjalinum verður staðfest, at landbúnaðurin hevur bæði búskaparligan, mentanarligan og tilbúgvingarligan týdning.
Har stendur eisini, at tað í einari ótryggari tíð er týdningarmikið at styrkja føroysku matframleiðsluna.
Fyrispurningurin varð settur á Løgtingi 18. september 2026.
.jpg)
