Í gjár varð hátíðarhildið at koblingsstøðin hjá SEV í Skálafirði varð reist. Hetta er tann fyrri av tveimum bygningum, sum skulu byggjast, og battarístøðin verður tann seinni.

Bygt verður stigvíst soleiðis, at kjarnuvirksemi á gomlu koblingsstøðini kann halda fram ótarnað, meðan bygt verður. Tá ið nýggja koblingsstøðin er liðug verður alt virksemi frá gomlu støðini flutt yvir og síðani verður gamla støðin tikin niður. Eftir tað verður battarístøðin bygd í afturat koblingarstøðini.

Koblings- og battarístøðin verður bygd sum liður í grøna orkuskiftinum hjá SEV soleiðis, at støðugt størri partur av vaksandi grøna orkuni verður gagnnýtt.