Bilasølan í Føroyum fekk veruliga ferð á í mai. Sambært nýggjum hagtølum frá Akstovuni vórðu 308 nýggj akfør skrásett í mai 2026. Í mai í fjør var talið 221. Tað eru 87 fleiri akfør enn sama mánað í 2025.
Frá januar til og við mai í ár eru 904 nýggj akfør skrásett. Sama tíðarskeið í fjør vóru tey 869. Tað er ein vøkstur upp á 35 akfør, ella 4,03 prosent.
Tað er serliga mai mánaður, sum broytir myndina. Higartil í ár hevur marknaðurin annars verið heldur varin, men í mai tók skrásetingin eitt týðiligt lop.
Persónbilarnir bera vøksturin
Persónbilar eru nógv tann størsti parturin av nýggju akførunum.
Í mai 2026 vórðu 250 nýggir persónbilar skrásettir. Í mai í fjør vóru teir 162. Tað eru 88 fleiri persónbilar í einum mánaði.
Hyggja vit at árinum higartil, er framgongdin kortini nógv minni. Frá januar til og við mai í ár eru 682 nýggir persónbilar skrásettir. Sama tíðarskeið í fjør vóru teir 672. Munurin er sostatt bara 10 bilar, ella 1,49 prosent.
Tølini vísa tí eina greiða mynd: Marknaðurin hevur ikki verið í stórum vøkstri alt árið, men mai var ein serliga sterkur mánaður.
Mánaðartølini fyri 2026 vísa eisini, hvussu ferðin er vaksin. Í januar vórðu 57 nýggj akfør skrásett. Í februar vóru tey 85, í mars 186, í apríl 268 og í mai 308.
Tað merkir, at skrásetingin er meira enn fimmfaldað frá januar til mai.
Renault fremst á marknaðinum
Renault er sterkasta merkið í nýggju hagtølunum.
Í mai vórðu 68 Renault-akfør skrásett. Toyota var nummar tvey við 51, og BMW var nummar trý við 47. Síðani komu Volkswagen við 17, Hyundai við 15, MG við 12, Nissan og Skoda við 11 hvør, Ford við 9 og Omoda við 7.
Fyri alt tíðarskeiðið frá januar til og við mai er Renault eisini fremst. Renault hevur 163 skrásett akfør higartil í ár. Toyota hevur 123, BMW 80, Nissan 78 og Hyundai 64.
Tað vísir, at toppurin á marknaðinum er rættiliga greiður. Renault og Toyota liggja fremst, meðan BMW og Nissan kappast um næstu plássini.
Fleiri vøruvognar seldir
Aðrir bólkar vísa eisini framgongd. Vøruvognar eru farnir úr 107 í fjør upp í 113 í ár. Tað er ein vøkstur upp á 5,61 prosent. Viðfestivognar eru farnir úr 42 upp í 46, sum svarar til 9,52 prosent.
Lastbilar eru eisini fleiri í ár. Frá januar til og við mai eru 5 nýggir lastbilar skrásettir, móti 2 sama tíðarskeið í fjør. Tað er ein vøkstur upp á 150 prosent, men tølini eru smá.
Samlaði bilflotin í Føroyum er nú 43.184 akfør. Av teimum eru 28.411 persónbilar. Streymoy hevur nógv flest akfør við 20.530, meðan Eysturoy hevur 10.190, Suðuroy 3.500 og Vágar 3.083.
