Ress Spa á Hotel Føroyum varð fríggjadagin 18. september kosið Ársins Átak 2026 á Vinnudegnum í Norðurlandahúsinum í Tórshavn.

Spa-deildin hevur vakt stóran ans uttanlands. Útlendskir miðlar hava skrivað um staðið, sum eisini hevur fingið nógv rós. Ress Spa er av altjóða miðli kosið millum 20 av bestu støðunum í heiminum at vitja.

Tóku ímóti heiðrinum

Johannes Jensen og Súsanna í Stórustovu tóku ímóti virðislønini vegna Ress Spa.

Á hvørjum ári handar dómsnevndin hjá Vinnuhúsinum eina virðisløn til eitt virki ella ein persón, sum hevur gjørt eitt serligt og nýhugsandi átak, ið gagnar vinnuligum framburði.

Vinnudagurin 2026 verður hildin í Norðurlandahúsinum og hevur millum annað fyrilestrar, sosiala samveru og heiðran av ársins vinnuheiðrum á skránni.