Løgreglan sigur, at aftur í dag er tað onkur, sum ringir til fólk og roynir at lump pengar frá teimum, Løgreglan sigur, at bara upp á trý korter hava hava trý fólk ringt til teirra at boða frá.

Tey siga, at maðurin ringir frá einum donskum nummarð og at hann tosar danskt. Eitt navn hann brúkar er »Lars Tvede«, men løgreglan ivast ikki í, at tað er eitt falskt navn.

Einar snildir hann brúkar er, at hann sigur, at hann ringir úr Noregi og hann hevur fortalt onkrum, at 9.000 krónur eru tiknar av kontuni.

Hann sigur eisini, at hann ringir frá løgregluni í Keypmannahavn og at tað er okkurt galið við Nets, sum er felagið, sum umsitur gjaldskortini.

So roynir hann at fáa kontoupplýsingar frá fólki fyri at rætta feilin ella fyri at forða fyri, at pengar verða tiknir av kontunu.

Løgreglan sigur, at eingin hevur latið seg lumpað, men hyggjuráðini eru bara at leggja hornið á. Løgreglan endurtekur, at hvørki bankin, løgreglan, ella nakar annar, ringir nakrantíð til fólk at biðja um slíkar uppslýsingr, so tá ið tað hendur, kunnu fólk vera vís í, at talan er um eina svikaroynd.