Sum heild hevur tað verið friðarligt hjá løgregluni hetta vikuskiftið.

Men í nátt tók ein støða seg upp uttan fyri eitt skeinkistað í Havn, sum kanska fer at fáa avleiðingar. Ein maður fekk skaða í høvdið og endaði á sjúkrahúsinum.

Men løgreglan veit ikki, hvussu hann fekk skaðan, sum hann var fyri harðskapi ella um hann var dottin.

Onnur fólk vóru eisini til staðar, men løgreglan sigur, at tey vóru ávirkað av rúsdrekka og forkláringarnar samsvaraðu illa.

Men løgreglan hevur tryggjað sær nøvnini á øllum. Og nú bíðar løgreglan til seinni í dag tá ið tað er runnið av hjá fólki. Tá fara tey at vitnini aftur fyri at vita um tað ikki ber til at fáa skil á, hvat tað var, sum hendi.