Ein maður royndi í dag, umleið klokkan 12.00 danska tíð, at stjala ein barnavogn, har eitt sovandi barn lá í, uttan fyri eina kafé í Aarhus.

Sambært TV 2 Østjylland fekk løgreglan fráboðan um hendingina um middagsleitið.

Ein maður hevði tikið barnavognin og gingið nakrar metrar við honum, tá ein borgari varnaðist hendingina og rópti eftir manninum.

Maðurin setti tá barnavognin frá sær og rýmdi av staðnum.

Østjyllands Politi upplýsir, at løgreglan metir, at maðurin helst ikki var varugur við, at eitt barn lá í barnavogninum, tá hann tók hana.

Barnið kom ikki til skaða, og løgreglan arbeiðir nú við at kanna málið og finna mannin, sum er undir illgruna fyri roynd at stjala barnavognin.