Seinnapartin, klokkan 17.30, steðgaði løgreglan einum bilførara í Havn, sum hevði ov nógv rúsdrekka í blóðinum. Eftir eina positiva alkoholroynd varð hann fluttur á sjúkrahús at fáa tikna eina blóðroynd.

Harumframt varð ein persónur handtikin uttan fyri eitt skeinkistað vegna ólátaðan atburð. Viðkomandi varð fluttur á politistøðina at sissa seg og fekk seinni eina bót.

Løgreglan hevur eisini skrásett eitt mál um rúsevni. Tað snúði seg um ein persón, sum hevði eina lítla nøgd av ólógligum rúsevnum uppi á sær.