Saab hevur á tveimum døgum tryggjað sær tvær stórar verjuavtalur í Evropa. Nýggjasta avtalan er við svenska verjumaterielsstýrið, FMV, um 16 Gripen E-stríðsflogfør til Ukraina.

Avtalan er verd umleið 16,6 milliardir krónur. 

Ukraina fær styrkta luftverju

Avtalan fevnir eisini um eykalutir og tilhoyrandi útgerð. Micael Johansson, forstjóri í Saab, sigur, at Gripen E fer at styrkja ukrainsku luftverjuna og hjálpa Ukraina at verja fólkið og framtíðina.

Sambært Saab er Gripen gjørt til krevjandi umstøður. Flogfarið kann nýtast frá stuttum breytum, fyribils flogbreytum og vanligum vegum. Tað skal gera ukrainsku flogverjuna smidligari og minni bundna at vanligum flogvøllum.

Pólland keypir tríggjar kavbátar

Dagin frammanundan skrivaði Saab eisini avtalu við Póland um tríggjar A26-kavbátar. Avtalan er verd umleið 31,7 milliardir krónur og fevnir um vápnapakka, venjing og stuðul. 

A26-kavbáturin er sambært Saab mentur til krevjandi umstøður í Eystrasalti. Hann skal kunna virka í tøgn og vera torførur at finna.

Saab skal eisini byggja upp førleikar til viðlíkahald og umvælingar í Póllandi. Harumframt skal Pólland brúka svenska kavbátin HMS Södermanland sum fyribils loysn.