Sjúrður Skaale hevur sum fólkatingsumboð fyri Javnaðarflokkin fingið fleiri av sínum ynskjum við í samgonguskjalið hjá nýggju donsku stjórnini. Vit kunnu tí vænta, at danska stjórnin millum annað fer at: 

• Stuðla Føroyum í at fáa betri atgongd til ES marknaðin.

• Vera opin fyri at veita eitt statslán til ein møguligan Suðuroyartunnil.

• Virka fyri, at føroyskar fyritøkur fáa ágóðan av verjuíløgum í Norðatlantshavi.

• Knýta ein nýggjan samskiftiskaðal í føroyska fjarskiftisundirstøðukervið, so hann eitt nú kann brúkast av Føroya Tele. Eisini er stjórnin sinnað at tingast um fíggingarleist.

Javnaðarflokkurin á Fólkatingi