Nú er stuðulin, arbeiðsleys fáa úr ALS, hækkaður.

Orsøkin er, at semja er gjørt ímillum Føroya Arbeiðsgevarafelag og arbeiðarafeløgini, sum hevur við sær, at lønin hjá fastløntum arbeiðarum hækkaði 1. mai 2026.

Hægsti arbeiðsloysisstuðul er 80% av lønini hjá fastløntum arbeiðarum sambært galdandi sáttmála. Við nýggju semjuni hækkar mánaðarlønin hjá fastløntum arbeiðarum úr 28.043,06 krónum, upp í 28.765,85 krónur

 Sostatt hækkar hægsti arbeiðsloysisstuðulin úr 1.064,08 krónum um dagin, upp í 1.091,51 krónur um dagin. Í miðal hækkar stuðulin sostatt úr 22.434,45 krónum um mánaðin, upp í 23.012,75 krónur um mánaðin.

Við hesi broytingini er hægsti arbeiðsloysisstuðul hækkaður tilsamans 4.512,75 krónur, ella sløk 25 prosent, síðani í mars mánaði í fjør.

Sí https://www.als.fo/fo/um-als/tidindi/arbeidsloysisstudulin-haekkadi-11-mai