Fíggjarliga loysir tað seg altíð hjá pensjónistum at arbeiða. Tað staðfestir Búskaparráðið í eini frágreiðing.
Annars verður ofta sagt, at tað loysir seg ikki hjá pensjónistum at arbeiða ov nógv, tí teir missa so nógv í pensjón, umframt at teir rinda skatt, at samanumtikið hava teir minni eftir
Men Búskaparráðið sigur, at pensjónistar sum arbeiða, hava altíð meiri eftir enn teir, sum ikki arbeiða, hóast teir missa burtur av pensjónini.
Pensjónistar sum arbeiða, verða mótroknaðir í fólkapensjónini, men ikki fyrr enn inntøkan í einum ári fer upp um 61.900 krónur.
Og pensjónistar, sum arbeiða, hava altíð meiri eftir enn teir, sum ikki arbeiða, hóast teir verða lutfalsliga hart skattaðir við tað, at teir, umframt at rinda skatt, eisini missa burtur av pensjónini.
Lønin er úteftir, og tøka inntøkan er uppeftir
Myndin oman fyri vísir tøku inntøku hjá støkum og giftum pensjónistum, alt eftir hvussu nógv teir tjena.
Myndin vísir, at at tøka inntøkan hjá pensjónistum, sum arbeiða, er altíð hægri enn hjá pensjónistum, sum ikki arbeiða - og tað er uttan mun til um talan er um stakar ella giftar pensjónistur.
