Í gjár var løgeglan á ferð í Klaksvík og kannaði ferðsluna, og í tí sambandi vórðu fimm bilførarar tiknir.

Tveir bilførarar í Klaksvík fingu bót tí at teir sótu ikki í trygdarbelti ímeðan teir koyrdu.

Og í Norðoyatunnilin, klaksvíksmegin, vórðu tríggir bilførarar tiknir fyri at koyra ov skjótt. Har er loyvt at koyra 80, men hesir tríggir koyrdu ímillum 94 og 98 kilometrar um tíman, so tað fáa teir bót fyri.

Í gjárkvøldið fekk løgreglan fleiri fráboðanir um, at olja var á vegnum í Vágum av Fútakletti niðan ímóti Hálsinum. Tey fingu ikki staðfest, hvaðani oljan stavaði, men Landsverk fekk boð um støðuna, so teir reinsaðu vegin aftur.