Einans 30 prosent av amerikanarunum siga seg vera nøgd við arbeiðið hjá Donald Trump sum forseta. Tað vísir ein nýggj meiningakanning frá American Research Group, sum norska Nettavisen endurgevur.
Ónøgdin er stór
Sambært kanningini eru 66 prosent ónøgd við forsetan, meðan fýra prosent svara, at tey ikki vita. Í mai vóru 31 prosent nøgd við Trump.
Afturgongdin er greið. Í juni í fjør var undirtøkan 38 prosent, og í juni 2018 var hon 40 prosent í eini líknandi kanning.
Búskapurin rakar forsetan
USA-serfrøðingurin Eirik Løkke sigur við Nettavisen, at búskapurin er høvuðsorsøkin til afturgongdina.
Hann vísir á, at Trump lovaði veljarunum betri búskap, men at prísir, tollpolitikkur og Iran-kríggið hava gjørt støðuna truplari hjá amerikanarum.
Ein kanning frá The Economist og YouGov vísir eisini, at bara 29 prosent stuðla búskaparligu handfaringini hjá Trump, meðan 63 prosent eru ímóti henni.
