Seinnapartin í gjár hendi eitt ferðsluóhapp á Vatnavegnum í Vágum, beint við Vatnsoyrar.

Har stoyttu tveir bilar saman og løgreglan sigur, at báðir bilarnir fingu so stóran skaða, at tey fingu ikki koyrt, men máttu flytast burtur. Men har var eingin fólkaskaði.

Eitt annað ferðsluóhapp hendi í Havn, tá ið tveir bilar, sum koyrdu lið um lið, bóru við hvønn annan við eitt sving. Løgreglan sigur, at teir báðir bilarnir fingu ikki nevnivert av skaða.

Á Langasandi kom ein leigibilur so langt út á jaðaran, at bæði hjólini høgrumegin endaðu í veitini, so hann mátti hjálpast upp aftur.

Og í gjárkvøldið ringdu dulnevnd fólk til løgregluna at melda ein bilførara tí tey hildu at hann var ávirkaður. Løgreglan sigur, at tey funnu bilin, men ikki bilførarin, so tað verður ikki gjørt meiri við tað.