Umhvørvisstovan hevur nýliga havt hátíðarhald fyri trimum starvsfólkum, sum hava nátt ein týðandi varða í arbeiðslívinum.

Frá pappíri til talgildar skipanir

Jón B. Niclasen hevði 40 ára starvsdag 29. mai 2026. Hann er útbúgvin landmálingsteknikari og hevur arbeitt við matrikulering og útskifting í 40 ár.

Hann starvaðist fyrst á Matrikulstovuni og fór síðan við yvir á Umhvørvisstovuna í 2007, tá Matrikulstovan varð løgd undir stovnin.

Gransking, veðurlag og fyrisiting

Katrin Hoydal hevur havt 25 ára starvsdag. Hon er lívfrøðingur og ph.d. og hevur arbeitt við umhvørvisgransking, serliga í AMAP-samstarvinum, sum savnar og greinar dátur um dálking og veðurlagsbroytingar í Arktis.

Maria Gunnleivsdóttir Hansen hevur eisini havt 25 ára starvsdag. Hon hevur verið við til at menna føroyska umhvørvisfyrisiting og umhvørvislóggávu. Í dag stendur hon fyri árligu fráboðanini til ST um útlát av vakstrarhúsgassi og er ein av høvuðsfyriskiparunum av Veðurlagsdegnum.

Umhvørvisstovan takkar teimum fyri drúgva tænastu og stórt íkast gjøgnum mong ár.