Ongi úrslit

Turið Finnbogadóttir Arge: Ov fáar kvinnur sleppa til topps í bankunum

Ov fáar kvinnur sita í stjórasessunum í bankunum. Tað heldur Turið Finnbogadóttir Arge, stjóri í Føroya Banka, vera bæði spell og ein miss fyri fíggjarvinnuna.

© Føroya Banki.
Turið Finnbogadóttir Arge, stjóri í Føroya Banka, heldur, at fíggjarvinnan fer glipp av nógvum dugnaligum fólkum, tí ov fáar kvinnur sleppa til topps. Í samrøðu við FinansWatch greiðir hon eisini frá síni egnu leið til stjórasessin og teimum mistøkum, sum hava lært hana mest.
Edmund Jacobsen
1 tími síðan

Tað gongur ov seint at fáa fleiri kvinnur í leiðandi størv í fíggjarvinnuni. Tað heldur Turið Finnbogadóttir Arge, sum hevur verið stjóri í Føroya Banka síðan mai 2023.

Í einari nýggjari poddvarpssamrøðu við danska miðilin FinansWatch vísir hon á, at kvinnur framvegis eru í stórum minniluta millum bankastjórar.

– Vit eru ikki komin hagar, sum vit áttu at verið, tá ið tað snýr seg um at fáa fleiri kvinnur í stjórastørv. Tað er bæði spell og skomm, sigur hon.

Sambært bankastjóranum fer fíggjarvinnan glipp av nógvum dugnaligum fólkum, tí ov fáar kvinnur verða settar í stjórastørv.

Hon heldur, at gamlir vanar og siðvenjur eru ein partur av frágreiðingini. Tað krevur meira at seta fólk í starv, sum hava aðra bakgrund enn tey, ið vanliga verða vald.

Frá ungari mammu til bankastjóra

Turið Finnbogadóttir Arge hevur starvast í Føroya Banka síðan 2007 og havt fleiri leiðandi størv, áðrenn hon tók við sum stjóri.

Í samrøðuni greiðir hon eisini frá, hvussu hon sum ung mamma megnaði at sameina familjulív, arbeiði og útbúgving.

Meðan hon arbeiddi í Føroyum, tók hon cand.merc.aud.-útbúgvingina á Handilsháskúlanum í Aarhus við sjálvlestri. Hon møtti bert á skúlanum, tá ið hon skuldi verja høvuðsritgerðina.

Men leiðin hevur eisini verið krevjandi.

– Serliga tá ið eg var yngri, setti eg ómetaliga stór krøv til mín sjálvs. Næstan ómenniskjalig krøv, sigur hon.

Hon viðgongur eisini, at hon sum leiðari hevur tikið avgerðir, sum hon seinni hevur angrað.

Serliga tungar hava tær avgerðir verið, sum hava rakt onnur fólk.

Tí heldur hon tað vera avgerandi at taka ábyrgd, biðja um umbering og læra av sínum mistøkum.

Mest lisið hesa vikuna

Nøkur orð um skyldmannin Allan Enghamar

15. november kl. 04:55

Løgreglan lukkaði eitt skeinkistað í Havn í nátt og koyrdu øll á dyr

15. november kl. 09:12

Ein viti er slóknaður: Minningarorð um Óla Eyðun Eliassen

16. november kl. 07:00

Soleiðis fáa tey nógv betri kjøt úr hjallinum

15. november kl. 13:23

Fjúrtan heilsuhjálparar afturat klaktir á Heilsuskúlanum í Suðuroy

12. november kl. 16:10

Ein nuanserað viðmerking til eina nuanseraða samrøðu

14. november kl. 14:27