Írski sendiharrin í Keypmannahavn, Kyle O’Sullivan, hevur hitt formannin í Uttanlandsnevndini, Jørgen Niclasen, undir vitjan í Føroyum. Fundurin kemur beint undan, at Írland 1. juli tekur við formansskapinum í Ráðnum í Evropeiska samveldinum (ES).

Føroyar seta fríhandil ovast

Á fundinum legði Jørgen Niclasen dent á føroyska ynskið um at fáa ein fríhandilssáttmála í lag við ES. Samstundis varð tosað um fleiri uttanríkispolitisk evni, sum hava týdning fyri Føroyar.

Írland er í løtuni í ferð við at fyrireika arbeiðið og politisku skránna fyri komandi ES-formansskapin, og tí hevði vitjanin serligan týdning.

WTO og Erasmus+ á skrá

Partarnir umrøddu eisini støðuna hjá Føroyum viðvíkjandi limaskapi í Heimshandilsstovninum (WTO). Dentur varð lagdur á týdningin av limaskapi í egnum navni.

Eisini varð orðaskifti um Erasmus+-skipanina, sum Føroyar framvegis ikki eru vorðnar partur av.

Vitjanin var partur av skránni hjá írska sendiharranum undir vitjan hansara í Føroyum í hesum døgum.