Forsøgn galdandi til leygarmorgunin

Frískt til frískan vind av útsynningi, 5 til 10 m/s, í støðum strúkur í vindi, 13 m/s. Skýggjað, támut og driv ella ælaveður, í støðum regn. Út á náttina samdrigið og samregn.

Leygardagin

Fyrst frískt lot til frískan vind vestan, 5 til 10 m/s. Skýggjað og regn ella ælaveður, tó sum frá líður slítur í og klárnar og sólin kagar fram. Móti kvøldinum hækkar hann í útnyrðing og minkar niður í lot, minni enn 5 m/s. Hitin alt samdøgrið 7 til 12 stig.

Sunnudagin

Lot til frískt lot vestan, 3 til 8 m/s, sum frá líður vaksandi til frískt lot upp í frískan vind av útnyrðingi, 5 til 10 m/s. Skiftandi skýloft og yvirhøvur turt. Hitin 7 til 12 stig.

Mánadagin

Lot til frískt lot millum norðan og útnyrðing, 3 til 8 m/s, sum frá líður minkandi til lot av ymsum ættum, minni enn 5 m/s. Skýggjað ella hálvskýggjað og yvirhøvur turt. Hitin 8 til 13 stig.

Týsdagin

Lot til frískt lot av landsynningi, 3 til 8 m/s, sum frá líður lækkandi í sunnan. Skýggjað og támut, í støðum mjørki og út á kvøldið regn. Hitin 9 til 13 stig.

Mikudagin

Frískt lot til frískan vind av útsynningi, 5 til 10 m/s, samdrigið, támut og driv ella ælaveður. Hitin 10 til 13 stig.

Veðurstova Føroya