Eldurin á skipasmiðjuni á Skála oyðilegði ein umleið 100 ára gamlan bygning. Dimmalætting var á staðnum og filmaði, meðan sløkkiliðið stríddist við logarnar.
Høgir logar og tjúkkur roykur stóðu upp úr gamla træbygninginum hjá MEST á Skála mikudagin 18. november. Dimmalætting var á staðnum og filmaði eldsbrunan.
Eldurin kyknaði umleið klokkan 17.30 og breiddi seg skjótt. Trolarin Stelkur stóð á beding beint við brennandi bygningin, men slapp undan skaða.
Sløkkiliðið stríddist í fleiri tímar við logarnar. Løgreglan ávaraði íbúgvarnar um møguliga eitrandi royk og heitti á fólk um at lata vindeyguni aftur.
Umleið 100 ára gamli bygningurin er fullkomiliga oyðilagdur. Nógv amboð, tilfar og útgerð fóru fyri skeytið.
– Húsið er útbrent og ónýtiligt. Har er ikki nógv eftir, segði Mouritz Mohr, stjóri í MEST, við Kringvarpið.
Eingin fólkaskaði hendi.
Eldurin varð sløktur umleið klokkan 22.30, men sløkkiliðið helt fram við sløkkingararbeiðinum alla náttina.
Orsøkin til eldin er enn ókend.
Video: Ógvusligur eldur legði gamla bygningin hjá MEST í oyði Video: Ógvusligur eldur legði gamla bygningin hjá MEST í oyði
Dimmalætting var á staðnum og filmaði, meðan eldurin oyðilegði gamla bygningin hjá MEST á Skála. Trolarin Stelkur slapp undan skaða.
Edmund Jacobsen
16 minuttir síðan
Mest lisið hesa vikuna
Nøkur orð um skyldmannin Allan Enghamar
15. november kl. 04:55
Løgreglan lukkaði eitt skeinkistað í Havn í nátt og koyrdu øll á dyr
15. november kl. 09:12
Ein viti er slóknaður: Minningarorð um Óla Eyðun Eliassen
16. november kl. 07:00
Soleiðis fáa tey nógv betri kjøt úr hjallinum
15. november kl. 13:23
Her eru tey sløgini av heilsuskaðiligum mjøli sum er selt í Føroyum
7 tímar síðan
Ein nuanserað viðmerking til eina nuanseraða samrøðu
14. november kl. 14:27