Meira enn 120 fólk umborð á ferðamannaskipinum Ruby Princess eru blivin smittaði við norovirus undir eini sigling. Tað skrivar amerikanska tíðindastovan AP.

Skipið, sum júst hevur lokið eina 20 dagar langa ferð til Alaska og Kanada, legði at bryggju í San Francisco hósdagin.

Í alt eru 125 fólk vorðin sjúk, 102 ferðafólk og 23 starvsfólk.

Norovirus er ein sera smittsom magavirus, sum elvir til brádliga at man brádliga vil spýggja, og at man hevur leyst lív og magapínu.

Hjá teimum flestu varir sjúkan í eitt til trý døgn, men hon kann vera álvarslig hjá eldri fólki og fólki við veikari immunverju.

Útbrotið varð fráboðað amerikonsku heilsumyndugleikunum, Centers for Disease Control and Prevention (CDC), 28. juni. Myndugleikarnir og reiðaríið hava síðani sett í verk tiltøk sum isolatión av sjúkum og útbyttan av reingerð og sóttreinsan umborð.

Norovirus smittar lætt millum fólk, serliga gjøgnum tætt samband, dálkaðar yvirflatur og mat ella drekka.

Myndugleikar mæla til gjølla at vaska sær hendurnar við sápu og vatni, tí handspritt hevur avmarkaða ávirkan á virusið.