Rúv boðar í dag frá, at samtakið hjá Paul Watson bjóðar 250.000 íslendskar krónur til tann, sum kann veita upplýsingar um staðsetingina hjá hvalaveiðuskipunum hjá Hvali hf.

Pengarnir fáast um upplýsingarnar føra til, at skipið Bandero hjá Watson, kann steðga teimum.

Í einum uppslagið á Facebook verður skrivað, at Bandero er á hvalaveiði-leiðunum runt Ísland.

Tó megna tey ikki at steðga hvalaveiðuskipunum, tí íslendska Landhelgisgæslan (sjóverjan) letur upplýsingar um staðsetingina hjá Bandero víðari til hvalaveiðuskipini, so tey kunnu sleppa undan mótgongufólkunum.

Vit hava tørv á tykkara hjálp. Saman kunnu vit hjálpast at, við at steðga vinnuligari hvalaveiðu í Íslandi, stendur í uppslagnum.